Vash so keras zor?
E direkcia "Advokacia thaj publikane politike" rodel te paruvinel e SASTIPEN experienta anda komuniteti ande konkretne propozicii vash lacharipen le politikengo ando sastipe thaj socialni inkluzia, buter vash e romani komuniteti. E organizacia butikerel sar jekh mostos mashkar e realne mangimata anda teren thaj e deciziake procesura, kotar aplikativno rodipen, politikako analiza, monitorizacia le strategiengo thaj konstanto dialogos e autoritetenca ando lokalno, nacionalno thaj europako nivelo.
Jekh centralno principos si "nichi vash rome, bi rome", kotar o podzhinipen e aktivne participaciako le komunitetengo ande keripen thaj implementacia le publikane politikenge. Kotar analizii, rekomandacii thaj advokaciake kampanii, SASTIPEN promovisarel jekhajipe, bi-diskriminacia thaj durabile solucii vash ciknimos le inegalitatengo.
E direkcia "SASTIPEN Proiekti - Programura" si o operativno kher le organizaciako, kaj e komunitarno mangimata paruven pes ande konkretne intervencii ando lokalno, nacionalno thaj europako nivelo. E buti si bazisardi pe rodipen, direktno konsultacia e beneficiarenca thaj pe kooperacia e autoritetenca thaj institucionalne partnerenca, ande publikano sastipe, socialni inkluzia, edukacia thaj komunitarno baripen.
SASTIPEN implementisarel komunitarno sastipeske programura, phandel o aksesos ko preventivno servicia thaj kerel integrisarde komunitarne kendra. Vov si kotor vi ando zoraripen le sastipeske mediaciako thaj kerel proiekti vash edukacionalno podzhinipen, profesionalni formacia thaj socialni inkluzia. Kotar partnerimata thaj europake finansii, e organizacia promovisarel efektivna thaj durabila modelura save bararen e autonomia le komunitetengi thaj o kvalitetos le jivdipasko.
Bi-diskriminacia thaj e jekhajutne shanse si esencialno principos ande SASTIPEN buti, ushtado vash ciknimos le inegalitatengo save phanden le vulnerabilne komuniteti, buter le romen. E organizacia promovisarel jekh pristupo bazisardo pe manusikane hakaja, kote o aksesos ko sastipeske, edukaciake thaj socialne protekciake servicia trubul te ovel garantisardo vash sako, bi diskriminacia.
Kotar peske programura, SASTIPEN rodel te phandel e administrativne, socialne thaj kulturale bariere save limitisaren o aksesos ko servicia thaj shajimata, kotar informacia, civikani edukacia, formacia vash profesionalura thaj dialogos e publikane institucienca. E organizacia monitorizisarel e situacii anda inegaliteta thaj podzhinel e aktivni participacia le romane komunitetengi ande deciziake procesura, te del zor jekh societeta bazisardi pe respektos, digniteta thaj realno jekhajipe.
E buti vash studii, rodimata thaj monitorizacia si jekh esencialno kotor anda SASTIPEN intervencii, kotar savi e organizacia dokumentisarel e situacia le vulnerabilne komunitetengi, buter le romengi, thaj del baza maj lache publikane politikenge. E rodimata analizisaren e strukturalne bariere save phanden o aksesos ko sastipeske, edukaciake thaj socialne protekciake servicia, kotar datura khetane kerdine direktno anda komuniteti thaj institucionalne sursi.
SASTIPEN kerel sociologikane studii, publikane politikenge analizii, impaktoske evaluacii thaj monitorizaciake raporti pala nacionalne thaj europake strategii, te sikhavel o progresos thaj e brakha save maj si. E organizacia dokumentisarel thaj promovisarel efektivna intervenciake modelura, sar e sastipeski mediacia thaj e integrisarde komunitarne kendra. E rezultati istemen pes ando dialogos e autoritetenca thaj ande publikane konsultacii, te zorasaren politike bazisarde pe dokazura thaj adaptisarde le realne komunitarne mangimatengo.
E Integrisarde Komunitarne Servicienge Kendra si strategikani direkcia kotar savi SASTIPEN del javabos ko kompleksne mangimata le vulnerabilne komunitetengi, buter le romani komunitetengi, kotar koordinisardo delipen sastipeske, socialne thaj edukacionalne podzhinimasko. Akala kendra butikerena sar lokalne punde vash ajutoros, pashe le beneficiarenge, te ciknaren e administrativne, geografiche thaj socialne bariere save limitisaren o aksesos ko esencialne publikane servicia.
E buti kerel pes kotar multidisciplinarne echipi save si kerdine anda sastipeske mediatoria, socialne asistenti, konsilieria thaj aver specialisti, save den informacia, konsiliacia, orientacia ko sastipeske thaj socialne servicia, edukacia vash sastipe thaj podzhinipen vash o aksesos ko hakaja. E kendra den zor vi ko dialogos mashkar komuniteti thaj lokalne autoriteti thaj ko baripen e civikane participaciako. Kotar akava integrisardo thaj beneficiaroste-centro modelos, SASTIPEN promovisarel socialni inkluzia, lacharipen le aksesosko ko esencialne servicia thaj durabilno baripen le vulnerabilne komunitetengo.
E komponenta vash formacia, kvalifikacia thaj kontinuo instruiipen si strategikani direkcia kotar savi SASTIPEN del zor ko profesionalno kompetencie le aktorenge save si ande socialni inkluzia thaj ando lacharipen le aksesosko le vulnerabilne komunitetengi ko sastipeske thaj socialne servicia.
Sar akreditisardo formaciako deltor, e organizacia implementisarel kvalifikaciake programura vash sastipeske mediatoria, thaj vi instruipe vash profesionalura anda medicalno thaj socialno sistemus, komunitarne butikerde, lokalne lideria thaj terne. E aktiviteti si adaptisarde le terenake mangimatenca thaj istemen participativne, interdisciplinarne thaj praktikano-aplikativne metode. Kotar akala demarshi, SASTIPEN zorasarel jekh retia anda specialisti thaj komunitarne aktoria save shaj te podzhinen efektivna thaj durabile intervencii.
E komponenta vash tekniko ajutoros si strategikani direkcia kotar savi SASTIPEN podzhinel publikane institucii, lokalne autoriteti thaj civilne societetaqe organizacii ando keripen lokalne thaj judeceane akcione planura thaj ande efektivno implementacia le programurengi vash inkluzia le romengi, buter ande komunitarno sastipe. E organizacia del metodologikano konsilipe, podzhinipen vash planifikacia, monitorizacia thaj evaluacia, thaj vi facilitisarel interinstitucionalni kooperacia mashkar lokalne thaj nacionalne aktoria.
Jekh centralno pilonos si o podzhinipen dinas ko programos vash sastipeski mediacia, inklusive kotar e Unitatea vash Tehniko Ajutoros, Monitorizacia thaj Evaluacia, savi podzhinel e buti le sastipeske mediatorengi thaj le lengo koordinatorengi. SASTIPEN del vi tekniko ajutoros ko Ministeros le Sastipesko ando procesus vash zoraripen thaj lacharipen akale programosko thaj ande implementacia le masurengo anda Nacionalno Strategia vash Inkluzia le Romengi.